29 jan Af hverju virkar það ekki á mig að hugsa jákvætt?

Hefur þú einhvern tíma fundið fyrir því að sama hversu mikið þú reynir að hugsa jákvætt, þá virðist lífið ekki endurspegla það? Ástæðan gæti verið að undirmeðvitundin er ekki sannfærð, hún er ekki sammála.

Orð og hugsanir móta veruleika okkar. Það sem við segjum við okkur sjálf – aftur og aftur – verður að lokum að því sem við trúum á. En það sem gerist í undirmeðvitundinni ræður því hvernig við upplifum lífið í raun og veru. Ef undirmeðvitundin trúir frekar neikvæðum hugsunum en ekki jákvæðum staðfestingum, þá virkar það eins og við séum að reyna að róa bát í báðar áttir, á sama tíma.

Af hverju trúir undirmeðvitundin ekki því sem við segjum?

Undirmeðvitundin byrjar að mótast í barnæsku. Rannsóknir í þróunarsálfræði og taugalíffræði benda til þess að stór hluti af grunnviðhorfum okkar sé mótaður á fyrstu sjö árum ævinnar, þegar heilinn er ómótaður (er því eins og svampur) og safnar upplýsingum úr umhverfinu (foreldrum, samfélagi, menningu og eigin reynslu – svo halda margir því fram að fyrri líf og líf forfeðra okkar móti þennan hluta okkar einnig).

Ef undirmeðvitundin hefur skráð inn trú eins og „Ég er ekki nóg“ eða „Peningar eru erfiðir að fá,“ þá verður þetta grunnviðhorf sem mótar hvernig við upplifum lífið – jafnvel þótt við séum stöðugt að endurtaka meðvitað: „Ég er nóg“ eða „Peningar flæða auðveldlega til mín.“

Þess vegna þurfum við að vinna bæði með meðvitaðan hugann (með staðfestingum) og undirmeðvitundina (með subliminals og öðrum aðferðum). Sjá fyrir neðan smá umfjöllun um aðrar aðferðir.

Staðfestingar – að móta meðvitaðan huga

Jákvæðar staðfestingar eru leið til að beina athygli okkar og skapa nýja trú í meðvitaða huganum.

• Ef þú segir: „Ég er kraftmikil, jákvæð og heilbrigð manneskja,“ þá ertu að hjálpa huganum að samþykkja það sem nýjan sannleika.

• Rannsóknir sýna að þegar við skrifum eða segjum upphátt það sem við erum þakklát fyrir, þá líður okkur betur og við eigum hamingjusamara líf.

En stundum nægir það ekki. Ef undirmeðvitundin er ekki sammála staðfestingunum, geta þær virkað yfirborðskenndar. Þess vegna er svo mikilvægt að vinna með undirmeðvitundina.

Subliminals – að endurforrita undirmeðvitundina

Subliminals eru hljóðupptökur þar sem jákvæðar staðfestingar eru spilaðar á tíðni sem meðvitaði hugurinn nemur ekki – en undirmeðvitundin heyrir. Þú heyrir bara tónlist eða náttúruhljóð, en undir niðri eru skilaboðin að hafa áhrif á trú þína um lífið.

Hvers vegna virka þær?

• Þær sneiða framhjá meðvitaðri gagnrýni hugans og fara beint til undirmeðvitundarinnar.

• Þær virka hvort sem þú hlustar í svefni eða vöku.

• Þú þarft ekki að hafa sérstaka einbeitingu – bara leyfa undirmeðvitundinni að taka við.

Prófaðu bæði og sjáðu hvað hentar þér best!

• Dragðu daglega staðfestingu úr Hamingjudropa krukkunni eða lestu á síðunni og endurtaktu hana yfir daginn.
• Settu á subliminals á YouTube eða hlustaðu á sérsniðnar upptökur á Audible eða netinu reglulega.

Með því að vinna bæði með meðvitaðan og ómeðvitaðan huga geturðu stuðlað að djúpri umbreytingu innan frá og út.

Hvað velur þú að trúa í dag? Prófaðu og finndu muninn!

Aðrar leiðir til að vinna með undirmeðvitundina

Ef þú vilt dýpka þessa vinnu enn frekar er hægt að vinna með undirmeðvitundina með mismunandi aðferðum. Þær eru allar til þess gerðar að hjálpa til við að sneiða framhjá gagnrýni meðvitaða hugans og breyta rótgrónum mynstrum og innri trú. Hér eru nokkrar vel rannsakaðar og áhrifaríkar leiðir:

Dáleiðsla – Dáleiðsla leiðir þig í djúpt slökunarástand (svipað og theta-heilabylgjur í hugleiðslu), þar sem hugur þinn er opnari fyrir nýjum viðhorfum og umbreytingu. Rannsóknir sýna að dáleiðsla getur hjálpað til við að breyta skaðlegum hugsanamynstrum og dýpka sjálfstraust. (Kay, F. & Ficzere, A., 2020, Clinical Hypnosis & Psychology)

Leiddar hugleiðslur og visualization (sjónsköpun) – Þegar við ímyndum okkur framtíð sem við viljum skapa (með skýrum tilfinningum og sjónrænum myndum), þá virkar heilinn eins og hann sé raunverulega að upplifa það. Þetta styrkir taugabrautir sem styðja nýtt raunveruleikaform. (Joe Dispenza, 2019, The Science of Changing Your Mind)

Yoga Nidra – Þessi aðferð, oft kölluð „jóga svefnsins,“ færir þig í milliástand milli vöku og svefns, þar sem undirmeðvitundin er mjög móttækileg fyrir jákvæðum breytingum. Rannsóknir benda til þess að Yoga Nidra geti dregið úr streitu og aukið innri ró. (Parker, S., 2018, Yoga Nidra & Neuroplasticity)

EMDR-meðferð (Eye Movement Desensitization and Reprocessing) – Þessi aðferð er notuð til að vinna með áföll og neikvæð trúarmynstur sem eru föst í undirmeðvitundinni. Hún er sérstaklega árangursrík fyrir þá sem vilja losa sig við djúpstæð áföll eða neikvæðar tilfinningar. (Shapiro, F., 2017, EMDR: The Breakthrough Therapy for Overcoming Anxiety, Stress, and Trauma)

Sálfræðimeðferðir (t.d. CBT og IFS) – Hugræn atferlismeðferð (CBT) hjálpar til við að umbreyta ómeðvituðum neikvæðum hugsanamynstrum með kerfisbundinni nálgun. Internal Family Systems (IFS) vinnur með að samþætta hluta sjálfsins sem kunna að vera fastir í gömlum mynstrum.

Psychedelics og taugavísindi (psilocýbin, ketamine, ayahuasca) – Rannsóknir sýna að örvandi efni á borð við psilocýbin (virka efnið í töfrasveppum) geta opnað undirmeðvitundina, hjálpað til við að vinna með áföll og umbreytt sjálfsmynd. Þessar aðferðir eru þó enn í rannsóknarfasa og krefjast öruggs umhverfis og leiðsagnar. (Carhart-Harris, R.L., 2021, The Neuroscience of Psychedelics & Mental Health)

Hvað getum við gert sjálf?

Þó að sumar aðferðirnar hér að ofan krefjist sérfræðinga eða sérstaks umhverfis, þá mæli ég með að byrja á einföldum aðferðum sem þú getur gert heima:

• Jákvæðar staðfestingar – Endurtaktu meðvitað setningar sem styrkja ný viðhorf.
• Subliminals – Hlauptu subliminal upptökur í bakgrunni meðan þú sefur eða vinnur.
• Leidd hugleiðsla eða Yoga Nidra – Notaðu á kvöldin til að dýpka endurforritun hugans.
• Skrifaðu nýja trú – Skrifaðu niður þá trú sem þú vilt lifa út frá og lestu upphátt á hverjum degi.